Uhulumende uthi intengo yezinto elizweni iqongile kancinyane ngenyanga edluleyo, lokhu kusungulwe uhlelo lokusetshenziswa kwemali yakwamanye amazwe.
Isethula umbiko lo lamuhla, inhlanganiso yeCentral Statistical Office ithi ngenyang' edluleyo, umnotho welizwe uwe ngesilinganiso se 0.6 percent, kukanti ekuqaliseni komnyaka ngo Nkwenkwezi isilinganiso lesi sibe siku 1.0 percent.
ICSO ithi okuhle ngokusetshenziswa kwemali yakwamanye amazwe yikuthi impahla sezigcwele ezitolo lanxa kudanisa ukuthi inengi labantu alenelisi ukuzithenga.
USithandekile Mhlanga we studio 7 uxoxe lo Mnu. Rejoice Ngwenya, ingcwethi ecubungula ezomnotho, ukuze asichasisele ukuthi amanombolo la ethulwa yi CSO akhombani ngomnotho welizwe.
