Iqembu lenguqu eleMonomotapa liphakathi kwamalungiselelo alo okudlala leqembu le Nigeria elithiwa Heartland emdlalweni we Africa Champions League Minileague ngeviki ezayo. Ngempelasonto iqembu leMonomotapa lenze izimanga ngokungqoba elinye lamaqembu esatshwayo ezwekazi le Africa ele Etoile du Sahel ele Tunisia. Unobhala weMonomotapa, u David Makombe utshele uChris Gande weStudio 7 ukuthi babhekane lohlupho lokusilela kwemali yokuquba limdlalo.
