Umanisipala wedolobha lase harare uthi usezaqala uhlelo lokudiliza izindlu ezingakhiwanga okusemthethweni njengalokhu okwenzkala ngomnyaka ka 2005 phansi kohlelo oluthiwa Operation Murambatsvina. Kuzadilizwa njalo lezakhiwo ezithengiselwa khona impahla lokunye okunenginengi.
Lanxa iziphathamandla zikamanisipala lo zisala ukuthi loluhlelo luzafana lomurambatsvina ngoba luzenziwa ngemva kokucubungula okukhulu izakhamizi zalelidolobha sezihlaba umkhosi zisithi umanisipala lo kaqale adingele abantu lapho azabasa khona bengadilizelwa izindlu. Inhlanganiso elwela ilungelo likazulu emhlabeni jikelele. I Amnesty International yethule umbiko lamuhla ocothoza umanisipala weharare ngohlelo lolu.
Linhlanganiso ithi kumele umanisipala lo aqale abone ukuthi umnotho welizwe uba nganeno andubana athathe amanyathelo okudiliza lezi zindlu ngoba uzulu uvele uphakathi kodubo. Inhlanganiso yeCombined Harare Residents’ Association ithi kukhanya sekungene ezombusazwe kudaba lolu ngoba inengi lalabo abalezakhiwo ezakhiwa ngaphandle komethetho ngamalunga eZanu PF kukanti yena umanisipala ofuna ukuthatha inyathelo leli ulamalunga ebandla leMDC. Umsekeli wenhlanganiso ebona ngelungelo lezakhamizi.
