Umhlangano wenhlanganiso ezimbalwa ezingasekeli uhlelo lukahulumende lokulotshwa kwesisekelo sombuso esitsha, i Peoples Convention yesibili, uqhutshwe namhla edolobheni leChitungwiza. inhlanganiso lezi zigoqela iNational Constitutional Assembly, Zimbabwe national Students Union, iZimbabwe Congress of Trade Unions lezinye.
Umhlangano wanamhla ubulabantu abedlulainkulungwane ezintathu-3 000. Umgcinisihlalo we NCA uMnumzana Lovemore madhuku obesemhlanganweni lo usole uhlelo lukahulumende, olukhokhelwa lidale lephalamende lokuloba isisekelo sombuso esitsha. Uthe amabandla ezombusazwe awasoze aphume lesisekelo sombuso esifunwa nguzulu weZimbabwe, kodwa esifunwa yinkokheli.
Umhlangano lo uvumelene ukuthi uhulumende kumele ekele uhlelo lwakhe lolu, ngoba engaqhubeka ephikisana lenhlanganiso lezi zizakhankasela ukuthi uzulu weZimbabwe ale lesisikelo sombuso esilotshwa nguhulumende.
Sikhulume lengcwethi ecubungula ezombusazwe uMnumzana Samukele Hadebeothiuhulumende lenhlanganiso lezi kumele bahlangane phakathi laphakathi.
Ezinye Indaba ZeStudio7...
