UMadhuku khuthaza izizalwane zeZimbabwe ezihlala e UK ukuthi zingasekeli uhlelo lukahulumende lokusiloba yena ngokwakhe ngoba lukhokhelwa ngamalunga edale lephalamende.
I NCA isekelwa yinhlanganiso yezisebenzi, iZCTU leyezifundi, iZINASU ekuphikiseni uhulumende ngendlela ayisebenzisa ekulobeni kutsha isisekelo lesi isithi kumele kwenziwe ngendlela ezacanda ukuqhutshwa kokhetho olukhululekileyo.
Umgcinisihlalo wohlangothi lwabasakhulayo kunhlanganiso ye NCA, uMnu. Alois Dzvairo utshele uChris Gande weStudio7 ukuthi bakhangelele ukuthi uMadhuku adinge usekelo e UK lapho azakhuluma ngodaba olulesihloko esithi kanti vele ngubani omele akhokhele uhlelo lolu.
