UMongameli Robert Mugabe wenze umhlangano wesiphangiphangi lenhloko kahulumende uMnu Morgan Tsvangirai lomsekeli wakhe uMnu Arthur Mutambara ngoLwesithathu eHarare bavumelana ukuthi umgcinisihlalo weSADC njalo engumkhokheli weSouth Africa uMnu Jacob Zuma aze kwele Zimbabwe mhlaka 27 kuyonale inyanga ukuzozama ukulungisisa okuhluphayo kuhulumende womanyano.
Lokhu kulandela ukucelwa kuka Mongameli Zuma nguTsvangirai kumaviki amabili dluleyo ukuthi azelamula kudaba lukasibalukhulu webhanga elikhulu lelizwe uMnu Gideon Gono loMnu Johannes Tomana igqwetha elikhulu likahulumende.
Ingcwethi ecubungula ezombusazwe uMnu Rejoyce Ngwenya uthi uMongameli Zuma kuzamele abe lukhuni njalo engaze amncenga uMongameli Mugabe yikho ukuthi avume ukuthi uGono loTomana besuswe ezikhundleni zabo ngoba bengakhethwanga ngemfanelo.
