Uhulumende womanyano usenelise inyanga eziyisithupha ebunjiwe kodwa lokhu kulento ezilengayo ezenqabela ukusebenza kuhle kukahulumende lo. Lokhu sekuze kwabangela ukuthi uMongameli Jacob Zuma wakwele South Africa, ongumgcinisihlalo womanyano weSADC anxuswe ukuzozama ukuphetha lezi zinto ezigoqela ukukhethwa kukasibalukhulu webhanga lesizwe, iReserve Bank, uMnu. Gideon Gono lokugcotshwa kukamsekeli kamphathintambo wezokulima, uMnu. Roy Bennet lokunye.
Uzulu yena uthi ngaphandle kokwesulwa kokusetshenziswa kwemali yeZimbabwe osokubangele ukuthi kubelizinto ezimqoka ezitolo ebe sezibetha umoya, akulanguquko ebekhona kuhulumende womanyano kunyanga eziyisithupha ezedluleyo. Ukuze sihlaziye loludaba uChris Gande weStudio 7 uxoxe lomela isigaba semakokoba edaleni leSenate, uMnu. Matson Hlalo lesakhamuzi sakoBulawayo, uMnu. Raymond Phiri. Uhlalo usungula lingxoxo.
