amalinks wokungena

Breaking News

Inkokheli Kahulumende Iyahlangana Yehluleke Ukuhlaziya Okuhluphayo


Inkokheli yamabandla akuhulumende womanyano ihlangene njengenhlalayenza eHarare ngoMvulo kodwa ayisakhulumisananga ngezinto ezihluphayo kuhulumende lo njengalokhu obekukhangelwe.

UMongameli Mugabe ubekhangelelwe ukukhuthaza uMnu Morgan Tsvangirai loMnu Arthur Mutambara ukuthi batshele amazwe angentshonalanga ukuthi esule izijeziso azethulele iziphathamandla zeZanu PF eminyakeni edluleyo.

Abakhokheli laba babikwa bebezaphatha njalo udaba lokulotshwa kwesisekelo sombuso esitsha. Kodwa isikhulumeli sikaTsvangirai uMnu James Maridadi utshele iStudio 7 ukuthi konke lokhu akusakhulunywanga ngakho ngoba uMnu Mutambara ubengekho emhlanganweni lo.

Uthi uMnu Tsvangirai uhlangane loMongameli Mugabe bakhulumisana ngokunye okuphathelane lohulumende okunengi nengi, okugoqela inhlelo zokuvuselela umnothio.

IZanu PF politburo iphume lesinqumo emhlanganweni wayo ngeviki edluleyo esokuthi, uMongameli Mugabe kamelanga avume ukuthi usibalukhulu webhanga elikhulu lelizwe uMnu Gideon Gono legqwetha elikhulu likahulumende uMnu Johannes Tomana basuswe ezikhundleni zabo.

Ithi njalo uTsvangirai loMutambara kumele bagcwalise izethembiso zabo kusivumelwano sikahulumende womanyano ngokuvala imisakazo efana leStudio 7 esebenza ingaphandle kwelizwe.

Umgcinisihlalo weSadc uMnu Jacob Zuma uzakuya eHarare ekupheleni kwalinyanga ukuyazama ukulungisisa okuhluphayo kuhulumende.

Abasiki bebunda batshele iStudio 7 ukuthi emhlanganweni kaZuma lo, iZanu PF izakuma ngelokuthi nxa iMDC ifuna ukuthi uMnu Gono loMnu Tomana besuswe ezikhundleni zabo, kumele izijeziso ziqale zesulwe njalo lemisakazo le ivalwe.

Ezinye indaba zeStudio 7...

‚Äč
XS
SM
MD
LG