Isilinganiso semali ekhangelelwe ukusetshenziswa yimuli ngenyanga elizweni sibikwa sikhwele ngokunye ekhulwini-1.0% ngenyanga edluleyo lokhu kuqale ukusetshenziswa kwemali yakwamanye amazwe.
Inengi labantu liyavumelana ukuthi isimo somnotho welizwe siguquke sabangcono lokhe uhulumende womanyano wasungula uhlelo lokusetshenziswa kwemali yakwamanye amazwe, egoqela i Rand le South Africa, iDollar lemelika kanye le Pula le Botswana.
Uhulumende ubikwa esithi isilinganiso semali esetshenziswa ngabantu ngenyanga ikhwezwe zindleko ezigoqela imbadalo yamafutha emota, ukudla kanye lempahla ye furniture. USithandekile Mhlanga we studio 7 uqale ngokubuza uMnu. George Mkhwananzi, ingcwethi ecubungula ezomnotho, ukuthi imbadalo yempahla lezi ingabe iyikhweza njani i inflation.
