Ugatsha lwezempilakahle soluxotshe umsebenzi odokotela akade bephakathi kokukhalala umsebenzi. Incwadi zokubaxotsha umsebenzi zibikwa zisiwe ezibhedlela abasebenza kizo. odokotela laba abasavunyelwa ukungena ezibhedlela, njalo sebexotshwe ezindlini zikahulumende akade behlala kizo. Abafuna umsebenzi kuthiwa bazafuze baqalise kutsha.
odokotela abasebelamaviki amathathu bekhalala umsebenzibathi bafuna ukwengezelelwa iholo lifike phose kunkulungwane ezinthathu zamadollar eMelika-US$3000,00 ngenyanga, kodwa uhulumende uthi kalayo limali. Bafuna njalo lokuthi kutholakale into zokusebenzisa ezibhedlela ukuze benelise ukuqhuba umsebenzi wabo ngemfanelo.
Odokotela baxotshwa nje ngemva kwenkuthazo yenhloko kahulumende uMnumzana Morgan tsvangirai, yokuthi babuyele emsebenzini kulwiswe umkhuhlane weswine flue osuqhamuke elizweni. Izolo odokotela laba bakhalale ukungena emhlanganweniweZimbabwe Medical Association- ZIMA, wokuhlaziya okuhluphayo kwezempilakahle.
Omunye wabodokotela asebexotshwe umsebenzi utshele iStudio 7 ukuthi ukuxotshwa kwabo akutsho lutho kibo, abadubekayo yizigulane ezizaswela ukwelatshwa. Odokotela akade bekhalala umsebenzi baqale bengamakhulu amabili lamatshumi amahlanu, kodwa abalikhulu lamatshumi amahlanu besebebuyele emsebenzini, okutsho ukuthi kuxotshwe abalikhulu .
UBrenda Moyo weStudio 7 ukhulume lodokotela Morgan Sebele isizalwane seZimbabwe esisebenzela kwele South Africa othi uhulumende labodotela abahlale phansi bakhulumisane, kuxazululwe loludubo.
