Abaphathintambo bakahulumende bazaqhuba umhlangano omkhulu oqala ngoMgqibelo eNyanga, i Cabinet Retreat, bekhulumisana ngokusebenza kukahulumende njalo behlaziya ukuthi inhlelo zabo, ikakhulu ezijonge ukuvuselela umnotho ezifana le 100 day action plan, ziyasebenza na.
Umhlangano lo uphela ngeSonto. Abaphathintambo abakuhlangothi lwe JOMIC bakhangelelwe ukwazisa umhlangano lo ngokuhluphayo ekufezweni kwezinye zezinto ezivunyelenwe phansi kwe Global Political Agreement.
Umphathintambo wezemali uMnu Tendai Biti lomphathintambo wezenotho uMnu Elton Mangoma bona bakhangelelwe ukwazisa umhlangano lo ngenhelo abaziqoqayo ezijonge ukuvuselela umnotho.
I Cabinet Retreat yakuqala iqhutshelwe eVictoria Falls ngoMabasa. Inhloko kahulumende uMnu Morgan Tsvangirai uzaphatheka emhlanganeni lo kanye losaphethe isikhundla sikaMongameli uNkosikazi Joyce Mujuru.
UMongameli Mugabe yena kasoze aphatheke ngoba eseNamibia. Umphathintambo obona ngokwenzakala ewofisini kaMnu Tsvangirai uMnu Gorden Moyo uchasisele uNtungamili Nkomo weStudio 7 okunengi ngomhlangano lo.
