Inhlanganiso yababalisi eye Zimbabwe Teachers' Association , iZIMTA lamuhla yethule umbiko othi amalunga ayo asekhalele umsebenzi ngendlela yokukhuthaza uhulumende ukuthi engezelele ababalisi iholo.
Inhlanganiso ye Progressive Teachers' Union of Zimbabwe yona ithi ayisoze iphatheke ekukhalaleni umsebenzi ngalesisikhathi ngoba uhulumende engaqhatsha abasekeli bakhe ezikhundleni zamalunga ayo.
IZIMTA iveze lokhu emhlanganweni ebe lawo lentathelizindaba lamuhla eHarare, lapho eveze ukuthi ifuna ukuthi umbalisi oyedwa ahole imali esukisela ku us$502.00 ngenyanga hatsho ius$100.00 le abayiholiswayo.
Lokhu kwenzakala odokotela abasanda kukhalala umsebenzi sebebuyele njalo emsebenzini, kodwa enikeze uhulumende inyanga eyodwa ukuthi ahlolisise udaba lwabo.
USithandekile Mhlanga we studio 7 uxoxe loMnu. Sifiso Ndlovu, isiphathamandla se ZIMTA, yena othi inhlangnaiso le ivumelene ukukhalala umsebenzi ngemva komhlangano wayo we national executive lamuhla emini.
