Imizamo yokuvuselela umdlalo we wrestling ikhanya isehlula kulandela ukusilela kwemali. Lumdlalo obuthakazelelwa ngabanengi kuminyaka edluleyo usuleminyaka edlula phose elitshumi ungadlalwa. Kumnyaka odluleyo inhlanganiso eqoqa limdlalo, idiamonds stables, yazama ukuqoqa umdlalo omkhulu kodwa limzamo ibe liphutha. Umgcinisihlalo walinhlanganiso, uChris “The Diamond” Ncube utshele uChris Gande weStudio 7 ukuthi okunye okwenza kubenzima ukuthi baqoqe limdlalo yikufa kwabadlali balumdlalo kuminyaka edluleyo.
