Iqula lenhlanganiso
ye European union likhangelelwe ukulubhekisa kweleZimbabwe
ukuyakhulumisana loMongameli Robert Mugabe lenhloko kahulumende uMnumzana
Morgan Tsvangirai ngenjongo yokuvuselela ubudlelwano phakathi kwenhlanganiso le
leleZimbabwe. iqula lababili liya eZimbabwe ngemva kwemihlangano kwele
South Africa.
Umongameli we Europen Union oyinhloko kahulumende yele Sweden uMnumnzana Fredrick Reinfeldt uthi inhlanganiso yakhe kayikazimiselanga ukwesula izijeziso zenotho ezethulelwa iziphathamandla zebandla le ZANU PF.
Umnumnzana Reinfeldt wethule lumbiko namhlanje eJohannesburg ngesikhathi inkokheli yamazwe eSADC isanda kwethula inkuthazo yokuthi lezi zijeziso kufanele zesulwe. Intathelizindaba yeStudio7 uBenedict Nhlapho usipha loludaba eseJohannesburg kwele South Africa.
Uhambo lwequla le EU lolu ngolwakuqala ngemva kweminyaka eyisikhombisa. Inhlanganiso yei eu ikhuthaza ukuthi kulungisiswe okusele kulenga kuhulumende womanyano ukuze layo iqinise ubudlelwano bayo leleZimbabwe.
Amazwe akumanyano we EU eleMelika lamanye afakele uMugabe labanye bakhe izijeziso zokubavimba ukwethekelela lamazwe, okuludaba osoluhlupha kakhulu kuhulumende womanyano, abe ZANU PF besithi labo kabatshedi ezintweni ezifunwa ngabe MDC nxa izijeziso zenotho zingesulwanga. I SADC layo ikhuthaza ukwesulwa kwezijeziso lezi.
Sixhume ingcwethi ecubungula ezombusazwe uMnumzana Bhekinkosi Moyo othi, ngenkani kaMugabe, kaboni kusiba lenguquko ngemva kohambo lwabe EU.
Ezinye Indaba ZeStudio7...
