Ekhuluma evula umhlangano ophathelane lomsebenzi wemigodi, owe Mining Indaba e Harare uMongameli Robert Mugabe uthe uhulumende womanyano usebenza kakuhle njalo wenelise ukuba kube lokuhlaliseka kumumo wezinto elizweni kwezombusazwe lezomnotho ethi ngakho abazemabhizimusi kumele bethathe lelithuba basungule amabhizimusi emsebenzini wokwemba. UMugabe uthe ele Zimbabwe selinanza amalungelo abantu lamalungelo abo kumphahla yabo kunye lokuhlonipha imithetho yelizwe.
USithandekile Mhlanga we Studio 7 uxoxe lo Mnumzana George Mkhwananzi, ingcwethi ecubungula ezomnotho welizwe, ukuze sizwe imbono yakhe ngokuthi imigodi le ingawuthuthukisa njani umnotho welizwe, lokuthi inhlelo ezenziwayo kulimigodi zizaqhutshwa ngemfanelo kungelankohliso na.
