I Highlanders silomqeqetshi omutsha.
Iqembu leli lazise ngoLwesine ukuthi seliqhatshe isizalwane sakwele Egypt uMohammed Fathy.
U Fathy uthatha isikhundla esitshiywe nguMadinda Ndlovu kumaviki amabili edluleyo njalo uzancedisana loPhilani Mabhena kanye loPeter Nkomo.
Ngomnyaka odluleyo uFathy ubesebenzela eZambia lapho aqeqetshe khona iqembu le Power Dynamos lele Kambwe Warriors.
I Highlanders icine ukuthatha inkezo yePremier Soccer League ngo 2006 njalo okwamanje ihlezi kuzinga letshumi kungalane yemiklomelo, okuyinto ecunula kakhulu amalandeli beqembu.
I Bosso ixotshe uMadinda kulandela ukwehluleka kwakhe okwesikhathi eside ukulolonga iqembu kakuhle kanti njalo ubesefuna ukwengezelelwa iholo lakhe lisuka ku $4 500. U Fathy yena ubikwa ezahola i $2 000.
