Inengi lamalunga enhlanganiso ye Zimbabwe Teachers’ Association, i ZIMTA, abakade bekhalala umsebenzi izikolo zivulwa, babuyele lamuhla kulandela umbiko owethulwe yinkokheli yenhlanganiso le usithi sebeguqule ingqondo ngokukhalala umsebenzi.
Inhlanganiso ye ZIMTA ithi amalunga asebuyele emsebenzini ngoba inengi lawo esehlukuluzwa yintsha yebandla le ZANU PF ukuthi abuyele emsebenzini. Kodwa eye Progressive Teachers’ Union of Zimbabwe, yona ekhalala umsebenzi kabili ngeviki kuphela, isola eyezimta isithi ibivele isetshenziswa yilo ibandla le ZANU PF.
UMnu. Sifiso Ndlovu, isiphathamandla se ZIMTA, utshele istudio 7 ukuthi abanye ababalisi abakemukeli umbiko wokuthi bebuyele emsebenzini, kodwa kuphela yonale iviki, ulethemba lokuthi bonke bazabe sebebuyele.
