Noma nje inengi labeZimbabwe abasebenza eBotswana ikakhulu labo abalemisebenzi emihle abayifundelayo, lisithi isikhathi asikafiki sokuba babuyele ekhaya, abasebenza ezindlini kanye lemaphulazini bathi abaladubo lokubuyela ekhaya ngoba sokuholiswa ngemali yakwamanye amazwe.
Abasebenza ezindlini kanye lemapulazini bathi isimo abasebenza phansi kwaso senza ukuthi bacabange ukubuyela ekhaya, ngoba bengaphathwa kuhle ngamaqatshi njalo, kusiba nzima ukuthola iholo labo lapho inyanga iphela. Abaqatshi besiTswana babikwa bebakhangelela phansi njalo ngokwazi ukuthi abala mvumo yokusebenza kwele Botswana bayabacindezela, besebenza isikhathi eside bengaholiswa kuhle.