Idale leSADC Parliamentary Forum lithi liyasuthiseka ngohlelo lokulotshwa kwesisekelo sombuso esitsha ezimbabwe, kungelani lokudonselana okukhona kwabezombusazwe labenhlanganiso ezizimeleyo ekuthini uhlelo lolu luqhutshwe njani.
Idale leli lithume iqula eHarare
ngenyanga edluleyo ukuyahlolisisa ukuthi uhulumende womanyano usebenza njani. Iqula leli lifike labonana labakhokheli bamabandla ezombusazwe abagoqela uMnu Arthur Mutambara, uMnu Morgan Tsvangirai loMongameli Robert Mugabe.
Okhokhele iqula leli njalo elilunga lephalamende kwele Swaziland uMnu Prince Guduza Dlamini uchasisele uNtungamili Nkomo weStudio 7 ukuthi iqula lakhe lisuthiseke kakhulu ngendlela uhulumende womanyano asebenza ngayo.
