Umthethwandaba kamantshi eChinhoyi sulaye amapholisa
ukuthi ebophe uMnu Dydimus Mutasa, ongumphathintambo obona ngokwenzakala emawofisini kaMongameli Mugabe.
UMnu Mutasa, oyisiphathamandla seZanu PF, wetheswa icala lokweyisa umthethwandaba lo ngokwehluleka ukuyafakazi ekuthonisweni komunye umlimi omhlophe, uMnu Robert Mckersie ngoLwesithathu.
Icala eletheswa uMckersie ngelokwala ukusuka epulazini lakhe elithethwe nguhulumende weZanu PF ngo2007 phansi kohlelo lwakhe lokwaba kutsha umhlabathi.
UMutasa ubemele ayefakaza ekuthinisweni kukaMckersie, kodwa uthumele igqwetha lakhe, yena esithi uphatheke ngokunye.
Lokhu
kubangele ukuthi umantshi uMnu Ngoni Nduna anikeze amapholisa imvumo yokuthi
ambophe aze laye emthethewandaba.
Igqwetha likaMckersie lifuna uMutasa azefakaza njengomuntu obengumphathintambo obona ngokwabiwa kutsha komhlabathi ngesikhathi uMckersie ethathelwa ipulazi lakhe.
Ekhuluma leStudio 7, uMutasa uthe ubufakazi bakhe kuloludaba abuqakathekanga – kodwa uthe uzahamba ngoLwesihlanu emthethwandaba ayekuzwa ukuthi kuyini okudingakala ukuthi akwenze.
