Uhulumende ubikwa esithi kayi kuphathisa iziphathamandla zakhe ezetheswa icala lokuthumba lokuhlukuluza uNkosazana Jestina Mukoko nyakenye, kulandela ukumangalelwa kwazo ngu Mukoko labanye emthethwandaba.
UMukoko, ongumqondisi wenhlanganiso elwela ilungelo loluntu, i Zimbabwe Peace Project, udinga ukuthi ahlawulwe inxenye yesigidi samadollar eMelika-US$510,000, njalo usola inkokheli zamapholisa labanye abaphathintambo bakahulumende ngokuthi bambopha ngokungekho emthethweni.
USithandekile Mhlanga we Studio 7 uxoxe lo Mnu. Nicholas Mathonsi, igqwetha elilwela ilungelo loluntu, ukuze asichasisele ukuthi udaba olufana lalolu kufanele luqhutshwe njani emthethwandaba nxa kuyiziphathamandla zikahulumende ezimangelelwe zisemsebenzini.
