Abalungisa lokupheka imithi labayithengisayo ama pharmacists edlula ikhulu lamatshumi amathathu abangamalunga ePharmaceutical Society of Zimbabwe bahlangene koBulawayo ngemepalasonto behlaziya indubeko ababhekane lazo emsebenzini wabo.
Emhlanganweni lo bekunxuswe izethekeli ezivela emazweni agoqela i South Africa, Zambia le Botswana njalo bekunxuswe lesiphathamandla senhlanganiso ethiwa Commonwealth Pharmaceutical Association. Umhlangano lo uqale ngolwSihlanu lapho okwenziwe umdlalo we golf wokudinga imali yokuphathisa isikolo esifundisa abalungisa imithi ama pharmacists e University of Zimbabwe esibikwa singelamali lezinto zokusebenzisa ekufundiseni ingcwethi lezi. Olunye uhlupho olukhulu elizweni ngolokusilela kwama pharmacists, imithi, odokotela lokubhidlika nje kwezempilakahle .
UMnumzana Sikhumbuzo Mpofu omunye wabaqoqe umhlangano wangempelasonto lo utshele uBrenda Moyo weStudio 7 ukuthi njengama pharmacists bazinikele ekuvuseleleni ezempilakahle elizweni.
