Lanxa izigaba zemandebeleni ezintathu bezivumelene ukuthi uMnu. John Nkomo athathe isikhundla esatshiywa nguNnu. Joseph Nsika kubikwa abalwa impi yenkululeko, ama War Vets, beyibo abangamfuniyo uNkomo. Usibalukhulu webandla leZanu PF ubephe amalanga ambalwa izigaba zalelibandla emandebeleni ukuthi zikhethe amagama abazathatha lesi sikhundla. Lamuhla bekulilanga lokucina lokuthi lezi zigaba zenze lokhu.
Umkhokheli wenhlanganiso yama War Vets, uMnu. Jabulani Sibanda wake waxotshwa kubandla leZanu PF nguNkomo, ongumgcinisihlalo weZanu PF esekelanda loMsika. Kodwa omunye owalwa impi yenkululeko, uMnu. Max Mkandla utshele uChris Gande weStudio 7 ukuthi uNkomo nguye omele athathe lesi sikhundla lanxa uNkomo elembali yokudlelana loNongameli Nugabe ngoba engabotshwanga kumbe ukuhlukuluzwa ngesikhathi inkokheli yeZapu idliswa imbuya ngoluthi yiZanu PF ngeminyaka yabo 1980.