amalinks wokungena

Breaking News

Ukubotshwa KukaBennett Kwengezelela Ukufuthelana Kuhulumende Womanyano


INational Executive Council yeMDC ekhokhelwa nguMnu Morgan Tsvangirai izakuba lomhlangano ngoLwesihlanu ihlaziya ukubotshwa kwesiphathamandla salelibandla uMnu Roy Bennett.

Ikhansili le izahlaziya njalo udaba lokuthi ibandla leli liqhubeke likuhulumende womanyano na kumbe liphume, kanye lokuthi lithathe manyathelo bani phezu kodaba likaMnu Bennett yena obotshwe ngoLwesithathu; kubike intathelizindaba yethu uMark P. Nthambe.

Idale leHigh Court lizakuzwa isicelo esikhwezwe ligqwetha likaBennett ngoLwesihlanu esokuthi ekhululwe ethoniswe engavalelwanga entolongweni. UBennett wetheswa icala lokugcina izikhali zempi ngenjongo yokugenqula umbuso kaMongameli Mugabe, okulicala alilandulayo.

Isiphathamandla seMDC kaTsvangirai kweleAmerica uMnu Handel Mlilo utshele uBrenda Moyo weStudio 7 ukuthi ukuvalelwa kukaBennett kuveza sobala ukuthi kulabanye kubandla leZanu PF abangafuniyo ukuthi uhulumende womanyano aphumelele.

UMongameli weleBotswana uMnu Ian Khama uthi aphezulu amathuba okuthi uhulumende lo abhidlike nje kungabi ndaba zalutho. Emazwini awethule ngoLwesine uKhama usole kakhulu uMongameli Mugabe ngokwehluleka ukuhlonipha isivumelwano seGlobal Political Agreement.

Zinengi izizalwane zeZimbabwe ezibona ngaso linye loKhama ekuthini uhulumende womanyano lo ulakho ukubhidlika nanku ukubotshwa kukaBennett sokwengezelele ukufuthelana okuvele kukhona phakathi kweZanu PF leMDC.

Ukuhlaziya udaba lolu sixhume ingcwethi ecubungula ezombusazwe uMnu George Mkhwanazi loke waba ngumeli weNkayi South edaleni lephalamende uMnu Abednico Bhebhe bona abasole kakhulu ibandla leZanu PF kungxoxo abayenze loNtungamili Nkomo weStudio 7.

Ezinye indaba zeStudio 7...

‚Äč
XS
SM
MD
LG