Umthethwandaba waphezulu weHigh Court usukhulule uMnu Roy Bennet isiphathamandla seMDC ekhokhelwa nguMnu Morgan Tsvangirai ovalelwe ngolweSithathu. UBennet khululwe ngolweSihlanu phansi kweziqondiso zomthethwandaba weSupreme oyiwo obu vele umnike ithuba lokuhlawula imali yesibambiso eye bail , yenkulungwane ezinhlanu zamadollar eMelika-US$5,000.
UBennet owetheswa icala lokutholakala elezikhali zempi lelokufuna ukugenqula umbuso kaMongameli Robert Mugabe ubenikwe ibail ngenyanga kaMbimbitho lonyaka ngemva kokuhlala entolongweni okwenyanga yonke, kodwa uphinde waphoselwa entilongweni ngolweSithathu. Amagqwetha akhe athe ukubotshwa kutsha kukaBennet bekungekho emthethweni ngoba engephulanga iziqondiso zebail ayinikwe ngoMbimbitho.
UMnumzana Harrison Nkomo ngelinye lamagqwetha ka Bennet. UNkomo utshele uBrenda Moyo westudio 7 ukuthi balethemba lokuthi uBennet uzaphuma entilongweni kungela kuphikiswa komthetho.
