Kubikwa sokufe abantu abahlanu kulandela ukuqhamuka komkhuhlane wecholera ezigabeni ze Manicaland, Mashonaland west le Midlands osuhlasele abantu abedlula ikhulu, 117. Isikhulumi se United Nations Childrens Fund i UNICEF uNkosikazi Tsitsi Singizi uthi kuliqiniso ukuthi umkhuhlane wecholera usuqalisile njalo, kodwa inhlanganiso yakhe izimisele ukuvikela ukumemetheka kwawo.
I UNICEF iphathisa ngokupha uzulu amaphilisi okuhlambulula amanzi lokunye okuvikela ukumemetheka kwecholera. Inhlanganiso ye World Health Organisation layo ithi iqoqe inhlelo zokuvimba ukumemetheka kwecholera.
Icholera eqhamuke nyakenye ibulele abantu abedlula inkulungwane ezine 4 thousand two hundred and eighty eight wahlasela abazinkulungwane phose ezilikhulu - 98 five thousand and ninety two.
Udokotela Joshua Sibanda uthi umkhuhlane wecholera ulula ukuwuvikela njalo ukuhlanzeka yiyo indlela eqakathekileyo yokuvikela ukumemetheka kwawo.
