Izakhamizi zeNkayi zikhonona ngokuthi inengi lezikolo kulesisigaba lokhu zibamba abazali ngamandla ukuthi bebhadalele abantwababo imali ye school fees ngamabele, osokubangele ukuthi indlala iqhubeke isidla ubhedu kulesisigaba.
Umntwana munye-ngamunye ubikwa efanele ahlawule igokoko elilodwa lomumbu okwethemu eyodwa, njalo lokhu kuba buhlungu ebazalini ngoba inengi liyabe liholiswe lumumbu zinhlanganiso ezizimeleyo, nanko phela inengi kalitholanga isivuno esiya ngaphi lonyaka. Ukhansila Thabani Matshayikhanda Moyo, ka Ward 22 e Zenka, eMpumelelo, Uthi kulenqwabanqwaba zamasaka omumbu ezikolo ezise wadini yakhe, olindelwe ukuthengiswa njalo izikolo zithi zizathenga okokuncedisa abantwana ezifundweni ngenzuzo abazayithola.
Silokhu sikhangele isigaba seNkayi, ukhansila Brenda Mpofu, ka Ward 23 e Mlume 2, utshele uSithandekile mhlanga we studio 7 ukuthi okuhlupha kakhulu ewadini yakhe yikuswelakala kwamanzi ngoba izibhorane sezafa. Uthi indlovu zengezelela loluhlupho ngokunatha ziqede amanzi edamu elithenjiweyo kule iwadi, ziphinde ziwavoxe, njalo ziyebhidliza lezilimo.
U
