amalinks wokungena

Breaking News

I Sadc Iqoqa Umhlangano Wokuhlaziya Udaba LweZimbabwe


Kulandela ukucelwa kwayo nguMnu Morgan Tsvangirai ukuthi ingenele ngokuphangisa kulungisiswe okuhluphayo eZimbabwe, iSadc Troika ithi izahlangana eHarare mhlaka 29 kuyonale inyanga.

Umabhalane weSadc, uMnu Tomaz Salomao uthi inkokheli yamazwe akuSadc Troika izahlala phansi lenkokheli yamabandla akuhulumende womanyano kukhulunyiswana ngokuhluphayo.

ISadc Troika ibunjwa ngamazwe amathathu, athi iSwaziland, Mozambique leZambia.

UTsvangirai uhlangane lomgcinisihlalo weTroika le ngoLwesibili, njalo enguMongameli weMozambique uMnu Armando Guebuza eChimoyi ecela ukuthi iSadc ingenele ibambe uMongameli Mugabe ngamandla ukuthi elungisise konke okulokhu kuhlupha kuhulumende womanyano okufana lodaba lukaMnu Gideon Gono loMnu Johannes Tomana.

NgoLwesithathu khona uTsvangirai uhlangane loMongameli weSouth Africa uMnu Jacob Zuma bekhulumisana ngokuphuma nganxanye kwebandla lakhe kuhulumende.

Kulembiko yokuthi uMongameli Mugabe, uTsvangirai kanye loMnu Arthur Mutambara balakho ukuhlangana ngoLwesihlanu eHarare bekhulumisana ngokungavumelani okukhona phakathi kwabo, ngaphambilini komhlangano weSadc Troika ngeviki ezayo.

Ingcwethi ecubungula ezombusazwe uMnu Brilliant Mhlanga utshele uNtungamili Nkomo weStudio 7 ukuthi kuqakathekile ukuthi iSadc ingenele kudaba lweZimbabwe; kodwa uthi kulutshwana engakwenza.

Sixoxe njalo labalaleli bethu ngokuphuma nganxanye kweMDC kaTsvangirai kuhulumende womanyano kanye lokungezwani okukhona phakathi kwamabandla akuhulumende lo.

Omunye wabalaleli laba, uMnu Takaedza Ndlovu utshele uChris Gande weStudio 7 ukuthi uyalincoma kakhulu inyathelo elithethwe nguTsvangirai. UMnu Ellion Ndebele, laye ongumlaleli weStudio 7 uthi ukungezwani okukhona kubangelwa nguMongameli Mugabe yena athi kafuni ukusebenzelana labanye.

Ezinye indaba zeStudio 7...

‚Äč
XS
SM
MD
LG