Ababeyiziphathamandla zebandla le PF ZAPU, abaphuma kubandla le ZANU PF nyakenye, bagcizelela ukuthi kuvele akuzange kuvunyelwane ukuthi isikhundla sika msekeli kamongameli welizwe kufuzwe sithathwe ngomunye wabo.
Ibandla le ZANU PF selinqume ukuthi ozathatha isikhundla sikamsekeli kamongameli kumele kube ngowaba lesikhathi eside ekubandla le PF ZAPU njalo ephethe isikhundla esiphezulu.
Bekucatshangelwa ukuthi umgcinisihlalo weZANU PF, uMnu. John Nkomo nguye ozathatha lesi sikhundla kodwa sekulabanye ababeyiziphathamandla ze PF ZAPU, asebephumele egcekeni ukuthi bayasikhwabitha lesi sikhundla. Laba bagoqela uMnu. Cain Ginyilitshe Mathema, uMnu. Naison Khutshwekhaya Ndlovu, kanye lo Brigadier-General Ambrose Mutinhiri.
USithandekile Mhlanga we studio 7 uxoxe lo Mnu. Welshman Mabhena, owayengunobhala jikelele we PF ZAPU njalo owake waba ngusibalukhulu we Matabeleland North, ukuze sizwe imbono yakhe ngaloludaba.
