Inhlanganiso ebona ngokwethulwa kwezindaba eye Media Institute of Southern Africa- i MISA isola kakhulu ukuhlukuluzwa kwentathelizindaba okulokhe kuqhubeka elizweni.
Lokhu kulandela ukuhlukuluzwa lokuvalelwa okwesikhatshana kwentathelizindaba zomsakazo we Aljazeera ezimbili ngolwesoibili, u Haru Mutasa lo Austin Gundane. Intathelizindaba lezi bezithapha indaba emhlanganweni wedale leCabinet ngoLwesibili.
I Aljazeera yiyo yodwa inhlanganiso yezindaba yakwamanye amazwe eyavunyelwayo ukusebenza elizweni khona kuxotshwe ezinye ezifna labo BBC, CNN lezinye. Imizamo yokukhuluma lentathelizindaba lezi yehlule kodwa imisa ithi kuliqiniso ukuthi lokhu kwenzakele.
UMnumzana Njabulo Ncube ngumsekeli womgcinisihlalo wenhlanganiso ye MISA. UNcube utshele uBrenda Moyo weStudio 7 ukuthi ukuhlukuluzwa kwentathelizindaba okuqhubekayo elizweni kutshengisa ukuthi uhulumende womanyano uyehluleka ukuqhuba izivumelwan zeglobal political agreement.
