Iziphathamandla zenkokheli yomanyano wenhlangiso ezizimeleyo, iNANGO, ezibotshwe ngeSonto edolobheni leVictoria Falls, azisamiswanga emthethwandaba ngoMvulo njengalokho obekukhangelelwe ngoba amapholisa esithi asadingisisa okunengi ngodaba abalubotshelweyo.
Iziphathamandla
lezi, nguNkosikazi Dadirai Chikweyo lo Mnu. Cephas Zinumwa, ezetheswa icala
lokuqoqa umhlangano obuhlafuna ezombusazwe, zingacelanga imvumo emapholiseni.
UMnu. Matshobana Ncube, omunye wamagqwetha amela ababili laba, utshele uSithandekile Mhlanga we Studio 7 ukuthi uNkosikazi Chikweyo kaphilanga kuhle njalo amapholisa aqale ala ukuthi ababili laba belindele ilanga lokuthoniswa kusasa bengaphandle kwesitokisi, kodwa bacina bevuma ukuthi uChikweyo aphume.
