Inhlanganiso ezihlolisisa ezokwethulwa kwemibiko elizweni ezigoqela i Media Institute of Southern Africa- i MISA, iMedia Monitoring Project of Zimbabwe, MMPZ lezinye zisola indlela imisakazo lamaphephandaba asebenza phansi kukahulumende, ethula ngayo izindaba, ikakhulu eziphathelane lebandla le MDC elikhokhelwa yinhloko kahulumende uMnumzana Morgan Tsvangirai.
Kulemibiko njalo yokuthi
imisakazo yewailesi yeZBC leye television isivinjwe ukwethula indaba ezimayela lebandla le MDC
elikhokhelwa nguTsvangirai ngemva kokuphuma nganxanye kwebandla leli
kuhulumende womanyano.Amaphephandaba kahulumende lawo agoqela o Herald, Chronicle lamanye abikwa engasamelanga ukwethulwa kwezindaba ezimayelana lebandla le MDC.
Umnumzana Nhlanhla Ngwenya nguye ohlola ukwethulwa kwemibiko emisakazweni lakumaphephandaba, kunhlanganiso ye Media Monitoring Project of Zimbabwe. UNgwenya uthi ngenhlolisiso abayenzileyo, imibiko lezindaba ezethulwa mayelana lebandla leMDC ayitshengisi ukuthi elizweni sokulo hulumende womanyano
