amalinks wokungena

Breaking News

Kuyaqhubeka Ukudonselana Kuhulumende Womanyano


UMongameli Robert Mugabe ngoMvulo uqhube umhlangano labakhokheli bamacele womabili eMDC uMnu Morgan Tsvangirai loMnu Arthur Mutambara bekhulumisana ngokuhluphayo kuhulumende womanyano.

Abathathu laba babikwa bekhulumisane ngodaba lokuphuma nganxanye kweMDC kaTsvangirai kuhulumende womanyano, ukuhlukuluzwa kwabasekeli bebandla lakhe lokunye okunenginengi okusele kulenga kuhulumende.

Abasiki bebunda bathi uMugabe utshele uTsvangirai loMutambara emhlanganweni lo ukuthi nxa befuna ukuthi osibalukhulu bezabelo abavela kumabandla abo bafungiswe, kumele baqale ngokuvalisa imisakazo efana leStudio 7 njalo bekhnkasele ukwesulwa kwezijeziso.

Ekhuluma ngoLwesihlanu uMugabe uthe kalandaba lokuphuma kweMDC kuhulumende, esithi ulethemba ibandla leli lizabuyela njalo kuhulumende. Ephuma emhlanganweni wangoMvulo uTsvangirai ubikwa enze omunye umhlangano leNational Executive yebandla lakhe.

Iqula leSadc Troika lona likhangelelwe ukuza eZimbabwe ngoLwesine ukuzozama ukulungisisa okuhluphayo kuhulumende womanyano, kulandela isicelo sikaTsvangirai ngeviki edluleyo.

Kodwa ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi kaboni uMongameli Mugabe evuma ukulungisisa izikhalazo zikaTsvangirai.

Ezinye indaba zeStudio 7...

Okuhambelana lalokhu

‚Äč
XS
SM
MD
LG