amalinks wokungena

Breaking News

Iqembu LamaWarriors Selingenile KuCosafa Finals


Sebekwenzile abafana obekukhalelwa ngabalandeli benguqu!

Iqembu lamaWarriors selingenile kumafinals emidlalo yeCosafa Senior Challenge kulandela ukunqoba kwayo iqembu leBafana Bafana ngoLwesithathu emdlalweni oqhutshelwe eHarare.

IZimbabwe itshaye abafana beSouth Africa nge 3-2 kumbekwa yama penalty shoot-outs. ISouth Africa yiyo ebivele iphethe linkezo (defending champions).

Umdlalo lo ubuphele ungutshiki lobhanqa 1-1. AmaWarriors sezadibana kumafinals leqembu elizanqoba phakathi kweMozambique leZambia emdlalweni ozadlalelwa koBulawayo ngoLwesine.

Ifinal yona izadlalwa ngeSonto eHarare. IZimbabwe ingene kumasemi-finals ngemva kokunqoba amaZebras akweleBotswana nge 1-0 ngoLwesibili.

Umdlali weqembu lamaWariors uMthulisi Maphosa utshele uNtungamili Nkomo weStudio 7 ukuthi bawumelele ngabomvu umdlalo wefinal njalo womabili amaqembu, iMozambique leZambia abawethuki.

Ezinye indaba zeStudio 7...

Okuhambelana lalokhu

‚Äč
XS
SM
MD
LG