Inengi lezizalwane zeZimbabwe zesabela ukuthi ilizwe lingaphinda libhekane lobunzima besimo esibe khona nyakenye lekuqaliseni kwalonyaka, nxa icele le MDC elikhokhelwa nguMnu. Morgan Tsvangirai lingaphuma liphele kuhulumende womanyano.
Lokhu kwenzakala icele leli lisithi seliphume nganxanye kuhulumende womanyano lo, ngoba umongameli Robert Mugabe engagcwalisi iziqondiso zesivumelwano abasilobe phansi kwe Global Political Agreement.
Ukuze sihlaziye loludaba, sixoxe lo Alderman Charles Mpofu wako Bulawayo, kanye loMnu. Thandeko Zinti Mnkandla, omela iGwanda South edale lephalamende. USithandekil Mhlanga we studio 7 uqale ngokubuza uMpofu ukuthi kambe uhulumde womanyano lo angahlengeka yini.
