Uhulumende weleBhilitane uthi usezaqala ukubuyisela ekhaya amaZimbabwe awancitshwa ubuphepheli. Umphathintambo obona ngezenzakala ngaphandle kwalelozwe, uMnu. Phil Woolas wethule uthi njengoba umumo weZimbabwe usumuhle njengalokho okwakhulunywa yinhloko kahulumende, uMnu. Morgan Tsvangirai yiko ke sekumele uhulumende weleBhilitane aqalise ukubuyisela inkulungwane zezizalwane zeZimbabwe. Isizalwane seZimbabwe esiseBhilitane, uMnu. Sakhile Mthombeni utshele iStudio 7 ukuthi kuyamangalisa ukuthi eleBhilitane lingathatha lelinyathelo wona umumo weZimbabwe usumi manzonzo njalo.
