Kubikwa kuqhamuke udlakela epulazini lomunye umlimi omhlophe eChinhoyi ngolweSihlanu ekuseni lapho okudutshulwe khona izisebenzi zalelipulazi ezinhlanu ngenhlamvu zerabha zalimala, kwathi ezinye zalezi zisebenzi zatshiselwa izindlu.
Inhlanganiso emela abalimi abamhlophe eye Commercial Farmers’
Union ikhononan ngokuthi amalunga ayo ahlezi
ehlukuluzwa, ethathelwa amapulazi lanxa evikelwe yisinqumo se dale le SADC
Tribunal. Odubule lababantu ubikwa yisisebenzi sesiphathamandla sikahulumende, esicatshangelwa ukuthi yiso esifuna ukuthatha lelipulazi.
Omunye umlimi owathathelwa ipulazi uMnu. Alex Goosen utshele uSithandekile Mhlanga weStudio 7 ukuthi abanye bakhe lokhu bethathelwa amapulazi, lanxa sebelimile, okuzabangela ukuthi ukudla kusilele elizweni.
