Isizalwane seZimbabwe sitshaywe kakubi yizizalwane zakwele South Africa ezisike isidumbu zasitshisa ngoMgqibelo ebusuku. Lesi sehlakalo esenzakale emuzini we diepsloot sitshiye izizalwane zeZimbabwe izthithibele sezisesabela ukuqhamuka kodlakela olufana lolwenzakala nyakenye ngenyanga kankwenkwezi.
Kubikwa ezinye izizalwane zeZimbabwe ezimbili kade zilomuyi ongakaqanjwa igama lazo ezitshaywe kabuhlungu zisesibhedlela. Kubikwa izizalwane zakwele South Africa zethese abathathu laba icala lokutshontsha lokwenza ubudlwangudlwangu.
UChris Gande weStudio 7 uxoxe lesizalwane seZimbabwe, uMnu. Mtehibin Maphenduka othi izizalwane zeZimbabwe sezidlela evalweni.
