Inhlanganiso yamagqwetha, iLaw Society of Zimbabwe, lamuhla ibilomhlangano eharare wokuhluza indlela ezingengqabela ukuhlukuluzwa lokubotshwa kwamagqwetha elizweni. Lumhlangano ulandela ukubotshwa kwegqwetha, umnu. Mordecai Mahlangu obotshwe ngoMvulo kulandela ukuloba incwadi akwenzayo elobela igqwetha likahulumende, uAttorney General, uMnu. Johannes Tomana ekhalaza ngokubanjwa ngamandla kukamnu. Peter Hitchman ukuthi azopha ubufakazi kudaba lukamnu. Roy Bennet lokufuna ukugenqula uhulumende ngezikhali.
Amagqwetha abikwa evumelane ukuthi udaba lokuhlukuluzwa kwabo luhluzwe yikhomidi yedale lephalamende elibona ngezemithetho. Bavumelene njalo ukuthi umnu. Tomana wehluleka umsebenzi ngoba esekela uhlangothi lweZanu PF. Igqwetha elilwela amalungelo oluntu, uMnu. Job Sibanda, utshele uChris Gande weStudio 7 ukuthi lanxa behlukuluzwa kabasoze bekela ukwenza umsebenzi ngemfanelo.
