amalinks wokungena

Breaking News

'Ngileqiniso Kuzalungisiswa Ngokuphangisa Okuhluphayo'


Umkhokheli welinye lamacele eMDC uMnu Morgan Tsvangirai uthi uleqiniso lokuthi konke okuhluphayo kuhulumende kuzalungisiswa phakathi kwensuku ezingamatshumi amathathu ezilandelayo.

UMnu Tsvangirai wethule umbiko lo ngeSonto emhlanganweni awenze labasekeli bebandla lakhe eChitungwiza. Wengeze wathi ulethemba lokuthi iSadc Troika izazilungisisa inkinga ezikhona ngoba itshengise ukuzimisela emhlanganweni wayo oqhutshelwe eMozambique ngeviki edluleyo.

Emhlanganeni lo, iSadc Troika ilaye ukuthi abakhokheli bamabandla akuhulumende womanyanio lo bayekhulumisana balungisise konke okuhluphayo phakathi kweMDC leZanu PF kungakedluli inyanga.

Umsekeli kaTsvangirai, uNkosazana Thokozani Khupe uthi ngempela baleqiniso lokuthi konke okuhluphayo lokhu kuzalungisiswa kunsukwana ezilandelayo, esithi ingehlula imizamo yeSadc, ibandla lakhe lizafuna kwenziwe ukhetho olutsha.

Ingcwethi ecubungula ezombusazwe uMnu George Mkhwanazi utshele uNtungamili Nkomo weStudio 7 ukuthi kaboni konke okuhluphayo lokhu kulungisiswa ngesikhathi esithenjiswa nguTsvangirai.

Ezinye indaba zeStudio 7...

‚Äč
XS
SM
MD
LG