Inhlanganiso ye World Healh Organisation ithi kusukela mhlaka 26 ngenyanga kaMfumfu kusiya fika mhlaka i ngoLwezi kulabantu abayisitshiyagalombili kuphela abahlaselwe ngumkhuhlane wecholera.
I WHO ithi abayisikhombisa ngabesigabeni seGokwe north, oyedwa engowe Harare,isithi akulamuntu obulewe yicholera kuyonaleyo viki. I WHO ithi umkhuhlane wecholera usutholakale ezigabeni ezigoqela Harare, Manicaland,Midlands, Mashonaland central le Mashonaland west.
I cholera ibulele abantu abedlula inkulungwane ezine 4 288 wahlasela abedlula inkulungwane ezingamatshumi ayisitshiyagalolunye lasitshiyagalombili 98 592.
UMnumzana Nicholas Moyo nguye obona ngokuqhutshwa kwenhlelo zamanzi lokuhlanzeka kunhlanganiso ye UNICEF. UMoyo uthi uzulu weZimbabwe uselolwazi olweneleyo lokuvikela umkhuhlane wecholera, kodwa okuqakathekileyo yikuthi uyalusebenzisa ngemfanelo yini lolulwazi.
