Abaphathintambo bamabandla womathathu kahulumende womanyano, abagoqela abecele leMDC elikhokhelwa nguMnu Morgan Tsvangirai baphathekile emhlanganweni weCabinet ngoLwesithathu.
Ibandla likaTsvangirai lazise ngeviki edluleyo ukuthi selizaphatheka njalo emihlanganweni le kanye leyeCouncil of Ministers kulandela inkuthazo yeSadc Troika.
Abazi ngokwenzakalayo bathi umhlangano wangoLwesithathu lo uhambe kuhle kakhulu, besithi ukufuthelana okuvame ukubakhona phakathi kweMDC leZanu PF akuzange kube khona.
UTsvangirai ngokwakhe ubikwa ekhuthaze abaphathintambo laba ukuthi basebenze gadalala bavuselel ilizwe lona elilokhu libhekane lobunzima obumangalisayo laloba sokulohulumende womanyano.
Ingcwethi ehlaziya ezombusazwe, uMnu Samukele Hadebe utshele uNtungamili Nkomo ukuthi kuyajabulisa ukuthi iMDC kaTsavangirai sibuyelile ngokugcweleyo kuhulumende, esithi amabandla akuhulumende lo kumele edonse kanye-kanye.
