amalinks wokungena

Breaking News

UTsvangirai Uhlangana Labamela Amabandla Kunkulumo


Inhloko kahulumende uMnumzana Morgan Tsvangirai uhlangane labamela iZanu PF lebandla lakhe kunkulumo zokuzama ukulungisisa konke okuhluphayo kuhulumende womanyano ngoMvulo, bakhulumisana ngokuthi inkulumo lezi ziqhutshwe njani.

UTsvangirai uhlangane loMnu Patrick Chinamasa kanye loMnu Nicholas Goche abeZanu PF wazohlangana njalo loMnu Tendai Biti omela ibandla lakhe.

Abamela iMDC ekhokhelwa nguMnu Arthur Mutambara abathi uMnu Welshman Ncube loNkosikazi Priscillar Misihairambwi-Mushonga abaphathekanga emhlanganweni lo ngoba bebikwa bengekho elizweni okwamanje.

Isikhulumeli sikaTsvangirai, uMnu James Maridadi uveze ukuthi uTsvangirai unikezwe umlandu nguMongameli Mugabe ngolweSihlanu, owokuthi asale ekhulumisana labameli beMDC leZanu PF kuqaliswe inkulumo zokulungisisa okuhluphayo kungakedluli inyanga njengokulaya kweSadc Troika mhlaka 5 kuyonale inyanga.

UMongameli Mugabe yena useItaly lapho aphatheka khona emhlanganweni ojonge ukuqeda indlala emhlabeni jikelele.

Ingcwethi ecubungula ezombusazwe, uMnu Immanuel Hlabangana utshele untungamili Nkomo weStudio 7 ukuthi kaboni okuhluphayo kuhulumende kulungisiswa kungakedluli amalanga angamatshumi amathathu abekwe yiSadc Troika.

Ezinye indaba zeStudio 7...

‚Äč
XS
SM
MD
LG