Ukudabuka phakathi kwebandla leZanu PF kufike kusibanga esiphezulu ngempelaSonto eChinhoyi ngemva kokuba isigaba seMasvingo sikhethe uNkosikazi Oppah Muchinguri yala ukuthi uNkosikazi Joyce Mujuru ale elokhu engumsekeli kaMongameli. Kukhetho lokudinga umgameli, abasekeli lomgcinisihlalo abazakhokhela iZanu PF okweminyka emine elandelayo uMongameli Mugabe ukhethwe yizabelo zonke.
Abazi ngokwenzakalayo kubandla leli bathi ukuhlamuka kwesigaba semasvingo kutshengisa mgceke ukuthi uhlangothi olukhokhelwa ngumnu. Emmerson Mnangagwa yilo oluphethe intambo zombuso eMasvingo. Inhlangothi ezimbili kubandla leli, olunye olukhokhelwa nguMnu. Mnangwa kuzothi olunye olukhokhelwa ngumnu. Solomon Mujuru zibikwa ziyizo ezincintisanayo ukukhetha inkokheli zalelibandla.
Kodwa okhokhela amalunga edale lephalamende aweZanu PF, uMnu. Joram Gumbo ulandule imbiko yokudabuka kwalelibandla esithi ukhetho lutshengise ukuthi kulentandokazulu kubandla lakhe.