Intatheli eziloba ngezemidlalo zizahlangana ekwekwe ngoMgqibelo lapho ezizakhetha khona abadlali abalitshumi lanye abadlale kuhle lonyaka emdlalweni wenguqu esigabeni sePremier Soccer League.
Intatheli lezi zizakhetha njalo umdlali oyedwa odlale kuhle ukwedula abanye bonke, u2009 Soccer Star of the year. Othethe isicoco lesi nyakenye nguEvans Chikwaikwai obedlalela iqembu leNjube Sundowns.
UChikwaikwai okwamanje sedlalela iqembu leBidvest kweleSouth africa. Intatheli lezi zizakhetha njalo umqeqetshi oqeqetshe kuhle lonyaka. Isicoco lesi sithethwe nguPhilani Ncube nyakenye yena obengumqeqetshi weNjube Sundowns.
Ingcwethi kwezemidlalo uMuziwethu Hadebe ubethe amagama alabo athi balakho ukungena kuluhlu lwentshantshu zalonyaka, abagoqela umqeqetshi (best coach of the year) kungxoxo ayenze loNtungamili Nkomo weStudio 7.
