amalinks wokungena

Breaking News

UMongameli Robert Mugabe Uthi Akususwe Ama Sanctions


Umongameli Robert Mugabe usephindile njalo ukwethula isicelo sokuthi amazwe angentshonalanga esule izijeziso zenotho athi yizo ezibuyisela muva inotho lentuthuko yelizwe, njalo zilethela uzulu weZimbabwe indlala.

UMugabe ukhulume amazwi la namhla emhlanganweni wamazwe omhlaba wokudinga amacebo okuqeda indlala emhlabeni wonke jikelele owenzelwa esigodlweni seItaly iRome. UMugabe uthe amazwe angentshonalanga afuna ukubhidliza uhlelo lwakhe lokwabela abensundu umhlaba othathelwe abamhlophe, esithi amazwe la afuna eleZimbabwe liqhubeke liyisigqili sawo ngokuhlala licela uncedo lokudla.

Umhlangano lo uqoqwe yinhlanganiso ye Food and Agriculture Organisation yona ethule umbiko ngaphambilini komhlangano lo isithi abantu abedlula i one billion babhekane lendlala embi emazweni awezwekazi leAfrica le Asia.

Sixhume ingcwethi ecubungula ezombusazwe uMnumzana Walter Nsununguli Mbongolwane othi inkulumo kaMugabe le ayitsho lutho ngoba ingasoze ilethela uzulu weZimbabwe ukudla.

Siphinde saxhuma ingcwethi kwezokulima uMnumzana Mandla Nkomo othi isimo sendlala elizweni silakho ukuguquka nxa kungalungisiswa okuhluphayo kwezombusazwe.

Ezinye Indaba ZeStudio7...

‚Äč
XS
SM
MD
LG