Uhulumende wakwele Germany uselobele uhulumende weZimbabwe incwadi ekhonona ngokutshaywa kukamfundisi, Wolfgang Thamm edolobheni lebanket ngempelaSonto. UThamm ubikwa emiswe ngamasotsha duzane lenkamba yawo amtshaya amguqisa echibini lamanzi. Isikhulumi samapholisa uMnu. Wayne Bvudzijena uthe amapholisa kawatholanga imbiko emayelana ngaloludaba esithi akulamuntu osebotshiwe.
Isiphathamandla sikahulumende, uMnu. Joey Bimha uthe ngempela bayitholile incwadi evela kuhulumende wakwele germany kodwa wathi akula okunengi angakutsho ngoba umphathintambo wezobudlwano lamanye amazwe uMnu. Samuel Mumbengegwi engekho elizweni. Omunye omhlophe, uMnu. Alex Goosen utshele uChris Gande weStudio 7 ukuthi ukuhlukuluzwa kwabamhlophe kukhanya kubhahile kwezinye izindawo zelizwe.
