amalinks wokungena

Breaking News

I Inflation Sisedlula Izigidi Ezimbili Ekhulwini


Isilinganiso sokubhidlika komnotho welizwe sesisedlula izigidi ezimbili ekhulwini - 2, 2 million %. Lokhu kwazise ngusibalukhulu webhanga elikhulu lelizwe uMnu Gideon Gono lamuhla.

Kodwa ingcwethi kwezenotho zithi isilinganiso esiliqiniso singaba sesifika kubo 10 million %. Umnotho uqhubeka ubhidlika nje, izinto ezimqoka empilweni kazulu, ikakhulu ukudla, zibikwa zingasothalakali emavinkilini.

Uhulumende ubecine ukwazisa isilinganiso se inflation ngonhlangula, siseseku 165 000%. Ingcwethi ecubungula ezombusazwe kanye lezenotho uMnu Mandlenkosi Gatsheni uthi isilinganiso se2, 2 million esethulwe nguGono lesi asiqondanga, esithi isilinganiso esiyiso siqonge kakhulu.

Uzulu mahlayana yena uthi impilo sinzima okumangalisayo elizweni ngoba into ezinengi sezithengiswa ngemali yakwamanye amazwe kukanti njalo zidula okwamagama. Isakhamuzi seGwanda uMnu Themba Nyoni uchasisele uNtungamili Nkomo weStudio 7 ngobunzima abhekane labo kanye lemuli yakhe ngokubhidlika komnotho.

Ezinye Indaba ZeStudio 7...

XS
SM
MD
LG