amalinks wokungena

Breaking News

IZanu PF Imanyana LeMDC Ekusoleni Udlakela


Inkulumo phakathi kweZanu PF leMDC ziqhubekele phambili kweleSouth Africa. Amaqula akulezinkulumo ethula umbiko lamuhla emanyene, ekhuthaza abasekeli bamabandla la ukuthi atshiyane lodlakela.

Udaba lokwabelana amandla phakathi kuka Mongameli Robert Mugabe loMnu Morgan Tsvangirai yilo olubikwa lubambelela lezinkulumo. Ngalokhu umxazululi kudaba lweZimbabwe uMongameli Thabo Mbeki weSouth Africa ubikwa ezakuya eZimbabwe kusasa ukuyakhulumisana loMugabe, u Tsvangirai kanye loMnu Arthur Mutambara.

UMutambara ngumkhokheli welinye lamacele eMDC. Isithunywa somanyano weUnited Nations (UN) kweleZimbabwe uMnu Haile Menkerios, ufike eSouth Africa lamuhla ukuyancedisana loMbeki emizameni yokuxazulula udaba oluhluphayo lolu.

Abazi ngokwenzakalayo kulezinkulumo bathi laloba amabandla la sevumelene entweni ezinengi, udaba lokwabelana amandla yilo olulakho ukubangela ukuthi inkulumo lezi zidonse okwesikhathi eside.

Umqondisi weCrisis in Zimbabwe Coalition uMnu Xolani Zitha utshele uNtungamili Nkomo ukuthi ugwalo olwethulwe yiZanu PF leMDC besola udlakela lamuhla lungatsho ukuthi amabandla la seseduzane lokulobelana phansi isivumelwano.

Ezinye Indaba ZeStudio 7...

Okuhambelana lalokhu

XS
SM
MD
LG