Njengoba uMongameli Robert Mugabe esephindele elizweni kambe kuyini sokukhangelewe ukwenzakala elizweni.Ingcwethi ezicubungula ezombusazwe zithi sokumele uhulumende osekhethiwe aqale ukusebenza ngemfanelo kulandelwa isisekelo sombuso welizwe, laloba kukhangelelwe ukuthi kungacina kusiba lokukhulumisana phakathi kwebandla leMDC leleZANU PF.
U Brenda Moyo weStudio 7 ukhulume lomnumzana Mqondobanzi Magonya eyinye ingcwethi ecubungula ezombusazwe,othi uMongameli Robert Mugabe sokufanele aqhubeke ngombuso, laloba kulokukhonona ngokungena kwakhe embusweni, lamalunga edale lephalamende lesenate athathe izikhundla.Umagonya uthi kalathemba lokuthi uMugabe uzavuma ukhulumisana leMDC nxa esebusa okugcweleyo.
